Батыс Қазақстанда 400 тонна шөп өртеніп кетті
Батыс Қазақстан облысы Бөкей ордасы ауданының Сайқын ауылдық округінде жинаулы тұрған 400 тонна шөп өртенді. Өрт 12 сағатта сөндірілді.
Алматы, NEGE. Өрт 13 шілде сағат 19:00 шамасында шөп жинау кезінде басталған. Екі мыңға жуық шөп орамы өртенді.
Өрттің шығуына не себеп болғаны анықталып жатыр. Қаза болғандар мен зардап шеккендер жоқ. Өртті БҚО төтенше жағдай департаментінің 8 қызметкері мен ерікті өрт сөндіру құрамасының 8 адамы сөндірді.
Өрт 14 шілде таңертең ауыздықталды.