Батыс Қазақстан облысында екі жүк көлігі соқтығысып, жүргізуші көз жұмды
Оқиға 24 желтоқсан күні сағат 18:00 уақыт шамасында Самара-Шымкент тас жолындағы Қаратөбе ауданының Қоскөл ауылы тұсында орын алды, деп хабарлайды Полиция.
Алматы, NEGE. 44 жастағы жүргізуші «Вольво» маркалы жүк көлігін басқара отырып рөлге ие бола алмай қарама-қарсы бағыттағы 39 жастағы Қырғызстан Республикасының азаматының басқаруындағы «DAV» маркалы жүк көлігімен соқтығысты. Жол апаты салдарынан 44 жастағы «Вольво» маркалы жүк көлігінің жүргізушісі оқиға орнында көз жұмды. Сондай-ақ оның 24 жастағы жолаушысы түрлі дене жарақаттарымен аурухана жеткізілді.
Аталған факті бойынша ҚР ҚК 345 бабы 3 бөлігі бойынша сотқа дейінгі тергеу амалдары жүргізілуде (Жол қозғалысы ережелерін бұзу)