Батыс Қазақстан облысында 2023 жылы 15 мыңға жуық жұмыс орны құрылды
Облыста 2023 жылдың II тоқсаны бойынша жалпы жұмыссыздық деңгейі - 4,9%, жастар арасындағы жұмыссыздық деңгейі - 3,8%-ды құрап отыр. Бұл туралы Орталық коммуникациялар қызметі алаңында БҚО әкімі Нариман Төреғалиев хабарлап өтті.
Алматы, NEGE. Облыс әкімінің хабарламасына сәйкес, ағымдағы жылы «2021–2025 жылдарға арналған кәсіпкерлікті дамыту» жөніндегі Ұлттық жоба аясында 25 мың адам әртүрлі жұмыспен қамтудың белсенді шараларына жолданған.
«Жұмыс орындарын құру бойынша 2023 жылы 15 мыңға жуық жұмыс орны құрылды. Соның ішінде тұрақты, уақытша және маусымдық жұмыс орындары бар. Жалпы құрылған жұмыс орындарының 80% ауылдық жерлерде орналасқан»,- деп атап өтті өңір басшысы.
Сондай-ақ, облыс әкімі ағымдағы жылы 25 мың отбасыға 2 млрд. теңгеге әртүрлі әлеуметтік көмектер көрсетіліп, жалпы атаулы әлеуметтік көмек алушы отбасылар саны 28%-ға азайғанын мәлімдеді
