24 Қыркүйек 18:16
Батыс Қазақстанда жер сілкінді
Еліміздің батыс аймағында жер сілкінісі тіркелді, деп хабарлайды ҚазАқпарат.
Алматы, NEGE. Ұлттық деректер орталығы таратқан ақпаратқа қарағанда, жер сілкінісі бүгін, 24 қыркүйекте түстен кейін болған.
Ұлттық ядрлық орталығы геофизикалық зерттеулер институты желісінің стансалары 2024 жылғы 24 қыркүйекте Астана уақытымен сағат 14:20 шамасында (GMT 09:20) зілзаланы тіркеген.
«Батыс Қазақстанда жер сілкінісі тіркелді. Эпицентр координаттары: солтүстік ендік — 46,07 градус, шығыс бойлық — 53,30 градус. Магнитудасы — 4,1. Энергетикалық класы — 9,2» делінген ақпаратта.
Ал, volcanodiscovery.com мәліметіне сүйенсек, жер сілкінісі Атырау облысының аумағында тіркелген.
Жер сілкінісінің сезілгені туралы мәлімет жоқ.
