«Баспасөз картасы» ұғымын айқындау тәсілдері қайта қаралады
Мәдениет және ақпарат министрі Аида Балаеваның айтуынша, журналистер мен Мәжіліс депутаттарының пікірін ескере отырып әзірленген «баспасөз картасы» ұғымын айқындау тәсілдері қайта қаралады.
Астана, NEGE. «Баспасөз картасын беру критерийлеріне келетін болсақ, барлық айтылып жүрген жұмыс өтілі, жоғарғы білімі болуы керек деген өзгерістер жалпы жұмыс топтарындағы талқылау қорытындылары бойынша алынып тасталды. Алайда, қазіргі уақытта аккредиттеуді оңайлату тәсілі нақты қандай формада жүзеге асырылатынын айтуға ерте. Ол алдағы жұмыс тобының отырысы барысында айқындалады», - деді спикер ОКҚ алаңында өткен баспасөз конференциясында.