Бас шыршаның қашан жағылатыны белгілі болды
Елорда әкімдігі ауқымды Astana Muz Fest 2022 фестивалін өткізуге дайындалып жатыр. Аталған шара аясында еліміздің бас шыршасы жағылады. Шырша EXPO көрме рталығында орналасады, деп хабарлады Stan.kz.
Алматы, NEGE. Жаңа жыл қарсаңында қала билігі ұйымдастырған фестиваль тура бір аптаға созылмақ. Ресми ашылуы EXPO көрме орталығының алаңында өтеді.
"19 желтоқсан күні сағат 18:00-де шарада еліміздің бас шыршасы жағылады, кеш қазақстандық әртістердің, хордың, Аяз ата мен Ақшақардың өнер көрсетуімен жалғасады. Астана қонақтары мен тұрғындарына "Ғажайыптар түні" ертегі мұз шоуы ұсынылады. Сондай-ақ, фестивальдің ашылуында "әлем халықтарының ертегілері" тақырыбында мұз мүсіндері байқауының жеңімпаздары марапатталады. Жарықтандырылған мүсіндер фестиваль басталғанға дейін 3 күн бұрын салынады", - делінген Астана әкімдігінің баспасөз қызметінің хабарламасында.
