Бас прокуратура: Нұрқаділовтің өліміне қатысты қылмыстық істі қайта тергеу басталған жоқ
ҚР Бас прокуратурасы Заманбек Нұрқаділовтің өліміне қатысты қылмыстық іс қайта тергеле бастағанын жоққа шығарды.
Алматы, NEGE. Бұған дейін марқұмның ұлы Қайрат Нұрқаділов ведомстводан әкесінің қайтыс болғаны туралы істі қайта тергеуді талап еткен болатын. Саясаткердің ұлы Заманбек Нұрқаділовтің ресми ақпараттағы мәліметтегідей өз-өзін атып өлтірмегенін, оны белгісіз адамдардың атып өлтіргенін мәлімдеген.
Тақырыпқа орай: Заманбек Нұрқаділовтің өліміне қатысты қылмыстық іс қайта қаралады
"Әлеуметтік желілерде Бас прокуратура Заманбек Нұрқаділовтің қаза болу фактісі бойынша қылмыстық істі тергеуді қайта бастағаны туралы ақпарат таралуда. Бас прокуратура бұл мәліметтердің шындыққа жанаспайтынын хабарлайды. Қайрат Нұрқаділовтің арызы ведомствода қаралуда", - делінген таратылған хабарламада.