Бас прокуратура: Күдебаевтың Қазақстанға оралатын ойы болған жоқ
Елден қашып кеткен Алматы облысы ішкі істер департаментінің (ПД) бұрынғы басшысы Серік Күдебаевтың Қазақстанға қайту ойы болған жоқ, ол Түркияда ұсталды, деп хабарлады Бас прокуратураның баспасөз қызметі.
Алматы, NEGE. Серік Күдебаевтың ұлы Арман Мырзақұлов Түркияда әкесінің ұсталғаны туралы Бас прокуратураның бұған дейін берген мәлімдемесін жоққа шығарған болатын. Бас прокуратура туыстарының мәлімдемесіне жауап берді.
«Күдебаевты тұтқынға алып, елге қайтару үшін Құқық қорғау және арнайы органдар шетелдік әріптестермен бірлесе отырып, орасан зор жұмыстар атқарды. Интерпол күштері жұмылдырылып, оны экстрадициялау бойынша материалдар Түркия Республикасының Әділет министрлігіне жіберілді. Кудебаев С.М. Отанына өз бетімен қайту ойында болған жоқ, себебі алынған ақпарат бойынша ол тұруға рұқсат сұрау құжаттарын өткізген. Кейінірек шетелдік әріптестердің көмегімен Кудебаев С.М. Түркия Республикасының аумағында ұсталып, Қазақстанға жеткізілді», – деп Бас прокуратура генералдың туыстарының мәлімдемесін жоққа шығарды.
Оның мемлекеттік шекарадан заңсыз өтіп, Қырғыз Республикасының Бішкек қаласындағы халықаралық әуежайдан Т8ркияны4 Станбұл қаласына ұшып кеткені анықталды.