Бас мүфти қаңтар оқиғасында қаза тапқан Ержановтың жақындарына көңіл айтты
Бас мүфти Талдықорған қаласындағы қаңтар оқиғасында қаза тапқан тергеу изоляторының қызметкерінің жақындарына көңіл айтты, деп хабарлайды Polisia.kz.
Алматы, NEGE. Жаппай тәртіпсіздік кезінде қызметтік міндеттерін атқару үстінде қаза тапқан әділет прапорщигі Ербол Төлеубекұлы Ержановтың жақындарына көңіл айту үшін арнайы Қазақстан мұсылмандары Діни басқармасының төрағасы, Бас мүфти Наурызбай қажы Тағанұлы келді.
Алматы облысы бойынша ҚАЖД қарасты ЛА-155/16 тергеу изоляторының қаза болған қызметкері Ербол Ержанов ішкі істер органдарында 1999 жылдан бастап қызмет атқарды. Ол жас қызметкерлерге тәлімгер болып, екі баланы тәрбиелеп отырған кәсіби, адал қызметкер ретінде көпке үлгі болды.