Бас прокуратура алаяқтықтың жаңа түрі пайда болғанын ескертті

Астана, NEGE. Шетелдік дереккөздердің мәліметтері бойынша, алаяқтар жаңа шабуыл толқынын іске қосып, жеткізу қызметтері, басқарушы компаниялар және банктер атынан хаттар мен SMS-хабарламалар жібере бастаған.

«Қаскүнемдер "авторизациядағы қате", "домофонды ауыстыру" немесе "есептегіштерді тексеру" деген сылтаумен азаматтарды қайта қоңырау шалуға мәжбүрлейді. Салдарынан ештеңеден күдіктенбейтін тұрғындар кибералаяқтарға әлеуметтік инженерия құралдарын қолдануға жағдай жасайды», – делінген ведомство хабарламасында.

Осы орайда Бас прокуратура алаяқтарға алданып қалмау үшін мынандай кеңестер береді:

• сақтық танытып, беймәлім кіріс хат-хабарлар мен қоңырауларға сыни көзқараспен қарау;
• ұйымдардың ресми сайттарында көрсетілген телефон нөмірлеріне қайта қоңырау шалу;
• екіфакторлы аутентификацияны пайдалану;
• банк карталарының деректерін, SMS арқылы келетін бір реттік кодтарды және өзге де құпия ақпаратты үшінші тұлғаларға бермеу.

Прокуратура өкілдері тұрғындарды қырағы болуға, киберқауіпсіздік талаптарын сақтауға шақырады.