«Барыс» ресейлік «Металлург» командасымен бесінші кездесуін өткізеді

Алматы, NEGE. Кездесу елорда уақытымен 19:50-де «Qazsport» телеарнасынан тікелей эфирде көрсетіледі. Биылғы плей-офф сатысында командалар төрт ойын өткізіп үлгерді. Әзірге жеңістер сериясында «Металлург» 3:1 есебімен алда тұр. Бүгін ресейлік клуб жеңіске жеткен жағдайда плей-офф сатысындағы ойындар тоқтатылып, «Металлург» жарыстың келесі сатысына жолдама алады. Қазірге дейін 1/2 финалға Ресейдің СКА, «Спартак», ЦСКА командалары шығып үлгерді.

Еске салсақ, Магнитогорскіде өткен алғашқы кездесуде «Барыс» қарсыласынан 3:2 есебімен басым түсті. Одан кейін 2:6 есебімен есе жіберді. 5 наурызда елордада алдымен қарсыласына 3:5, одан кейін 2:5 есебімен жол берді. Бес матчта жеңімпаз анықталмаған жағдайда 11 наурызда елордада тағы бір ойын өтеді. Екі команда бұған дейін плей-офф сатысында төрт мәрте жолықты. Оның екеуінде «Барыс» жарысты жалғастырса, екеуінде «Металлург» клубының жолы болды.