Банк байдың ісі: Мал тапсаң Назарбаевша тап
Бұрынғы президент Нұрсұлтан Назарбаев ел алдына көп шыға бермейді. Содан болар, оның қайда, не істеп жүргенін қатардағы тұрғын онша біле бермейді.
Ол кісі қайда екен, елде ме екен, әлде шет елде жүр ме, аман-есен бе екен деп ойлайтындар көп. Білетіндер оны сау-саламат елде отыр, тіршілігі жаман емес дейді. Біреулер оны зейнеткер демесең, өзінің активтеріне егелік етіп, тіпті бизнесін дөңгедентіп марқайып жүрген жайы бар деп те сәуегейлік айтады. Ия, қарт адамның сергек болып, тіршілігін ұлғайтып жүргені де бір ғанибет емес пе? Нұрсұлтан Назарбаев Nege.kz ақпараттық-сараптамалық порталының жіті назарында жүрген адамдардың бірі.
Портал Назарбаевтың иелігіндегі ірі шет ел банкінің қалай жұмыс істеп, қалай миллиардтаған пайда тауып жатқаны жайлы материал жариялады. Бұдан біз Назарбаевтың ісі оң екенін, асығы алшысынан тұрғанын, сондықтан ахуалының жақсы екенін байқаймыз.
