Бангкок пен Алматы арасында тікелей әуе рейсі ашылады
1 желтоқсаннан бастап Бангкок пен Алматы арасында тікелей әуе бағыты ашылады. Бұл туралы Алматы қаласының Туризм басқармасы хабарлады.
Алматы, NEGE. Жаңа рейсті Thai AirAsia X әуе компаниясы жүзеге асырады. Туризм басқармасының мәліметінше, бұл бағыт Қазақстан мен Таиланд арасындағы туристік байланысты нығайтып, Оңтүстік-Шығыс Азиядан келетін саяхатшылар үшін Алматыға сапарды айтарлықтай жеңілдетеді.
– Бұл қадам Алматы қаласының Орталық Азиядағы ірі туристік орталық ретіндегі беделін арттыруға ықпал етеді. Thai AirAsia X компаниясының басшылығымен ынтымақтастықты дамыту мақсатында Алматыда арнайы кездесу өтті, – делінген басқарма хабарламасында.
Қазір оқып жатыр
Алматы, Шымкент, Түркістан және Ұлытау ЭКСЖ ұлттық жобасы бойынша артта қалды
Бозымбаев: Коммуналдық желілердің тозуын 2029 жылға дейін төмендетуіміз керек
Таразда 19 жастағы қызды алып қашқан Алматы облысының үш тұрғынына үкім шықты
Алматыда полицейлер жүзден астам автобусты айыппұл тұрағына алып кетті
