Балық шаруашылығын дамытуға берілетін мемлекеттік қолдаудың көлемі артады
Бұл туралы Қасым-Жомарт Тоқаев Алматы облысы тұрғындарымен кездесуі барысында мәлімдеді.
Алматы, NEGE. Елімізде 2030 жылға дейін балық шаруашылығын дамыту бағдарламасы бар.
«Алматы облысындағы болашағы зор саланың бірі – балық шаруашылығы. Қазірдің өзінде өңірден мал етінен гөрі балық өнімдері көбірек экспортталады. Бұл саланың қуатын арттыру үшін балық шаруашылығының көлемін ұлғайту керек. Сондай-ақ, өндірістік мақсатта шабақ өсіруді қолға алу қажет. Балық инспекциясының қызметін де жандандырған жөн. Бізде 2030 жылға дейін балық шаруашылығын дамыту бағдарламасы бар. Онда Алматы облысынан шығатын балық өнімін 25 мың тоннаға жеткізу көзделген. Осы міндетті орындау үшін балық шаруашылығына берілетін мемлекеттік қолдаудың көлемін арттыру керек», - деді президент өз сөзінде.