Баласын вокзал маңында тастап кеткен ананың психиатриялық есепте тұрғаны белгілі болды
Осыдан бірер күн бұрын елордада 3-4 жасар баланы далада тастап кеткен анаға іздеу салынған еді. Баласын тастаған ана табылды, деп хабарлайды Көліктегі полиция департаментінің баспасөз қызметі.
Алматы, NEGE. Астана станциясындағы желілік полиция басқармасының қызметкерлері жедел-іздестіру нәтижесінде баласын вокзал маңында қалдырған ананы анықтап, полицияға жеткізді. Ол бұрын психиатриялық диспансерлік есепте тұрған.
Қазір анаға қатысты баланы қауіп-қатерге қалдыру фактісі бойынша тергеу жүріп жатыр.
«Бала Астана қаласы әкімдігінің өмірлік қиын жағдайдағы балаларды қолдау орталығына жіберілді», — делінген хабарламада.
Сондай-ақ Қылмыстық-процестік кодекстің 201-бабына сәйкес өзге ақпарат жариялауға жатпайды.