Спорт
Баландинге екінші орын бұйырды
Түркияның Ыстанбұл қаласында жүзуден ересектер мен жастар арасында ашық халықаралық турнир өтіп жатыр, деп хабарлайды Olympic.kz.
Алматы, NEGE. Бұл, қазақстандық спортшылардың Олимпиада алдындағы оқу-жаттығу жиындары аясындағы жарысы. Оның нәтижесі бойынша Қазақстан құрамасы төрт медаль жеңіп алды.
Атап айтқанда, 100 м қашықтықта «баттерфлай» әдісімен жүзу бойынша Әділбек Мусин топ жарды.
Дмитрий Баландин 50 м дистанцияда күміске ие болды.
Ал Әділ Қасқабай еркін стильде 100 м қашықтықта жүзу бойынша төртінші орыннан көрінді.
Әйелдер арасында брасс бойынша 50 метрді Аделина Пчелинцева бірінші болып жүзіп өттті.
Анастасия Резванцев 200 м қашықтықта екінші орынға жайғасты.
Айта кетерлігі, аталған жарыс 21 наурызға дейін жалғасады.