Балаларға зәр ішкізіп, нәжіс берген: Шымкентте асыранды балаларды ата-анасы қорлаған
Бала құқықтары жөніндегі уәкіл Динара Закиева асырап алған балаларды қинады деген күдікке ілінген ер кісінің әрекеті туралы әлеуметтік желідегі парақшасында жазды.
Алматы, NEGE. Бала құқықтары жөніндегі уәкіл аталмыш қылмыс бойынша ақпан айынан бері ҚР ІІМ, Бас прокуратура және Шымкент қаласының Балалар құқықықтары жөніндегі уәкілімен бірлесе жұмыс істеп жатқанын мәлімдеді.
Іс сотқа жіберілді. Мектеп мұғалімдері және қамқоршылық органдарына қатысты да қылмыстық істер қозғалды, тергеу жүріп жатыр.
Бұл кейінгі бірнеше айда бала асырап алған отбасылардың тарапынан болған азаптау анықталған 4-ші жайт.
«Бұл оқиғада біраз сұмдық бар, соның бірі – үлкен баланың сөзінше, асырап алған адам балаларға зәр ішкізіп, нәжіспен тамақтандырған. Іс сотқа жіберілді. Сондай-ақ, олар балаға тиесілі ақшаны ешкілер сатып алуға жұмсап, балаға баққызып қойғандары туралы дерек бөлек тергелуде», - деп жазды Зәкиева.
