Балаларды суицид жасауға итермелейтін 15 мың сайт пен сілтеме бұғатталды – Бас прокурор
Соңғы уақытта балалардың өз-өзіне қол жұмсау дерегі көбейді.
Алматы, NEGE. Аталмыш жағдайға қатысты Бас прокурор Берік Асылов әлеуметтік желіде пікір білдірді.
Айтуынша, балаларды суицид жасауға итермелейтін 15 мың сайт пен сілтеме бұғатталған.
«Балалардың өзіне-өзі қол жұмсау толқыны қоғамда резонанс тудырды. Прокурорларға әр факт бойынша тергеуді ерекше бақылауды тапсырдым. Жалпы, әлеуметтік желілер балалардың суицид белсенділігіне әсер ететіндіктен прокурорлар 15 мың зиян сайт пен сілтемені бұғаттады», - делінген жазбада.