Балаева 42 мың теңге төлем алу үшін не істеу керегін айтты
Қазақстан Республикасы Президенті Әкімшілігінің Өтініштерді қарауды бақылау бөлімінің меңгерушісі Аида Балаева мемлекеттен 42 мың теңге төлем алуға құқығы бар азаматтарға не істеу керектігін түсіндірді.
Алматы, NEGE. «Кеше Мемлекет басшысы елдегі төтенше жағдай ахуалына байланысты мәлімдеме жасап, мемлекет қабылдайтын азаматтарды қолдауға бағытталған жаңа шаралар топтамасын жария етті. Басты тақырыптардың бірі ең төменгі жалақы мөлшерінде (42 500 теңге) жаңа әлеуметтік төлем алу мәселесі болды. Бұл шара төтенше жағдай кезінде кірісінен айырылған адамдарға қолдау үшін көрсетіледі. Төлем алу үшін өтінім берудің реттік тетігі туралы ақпаратпен бөліскім келеді», - деп жазды Аида Балаева Facebook парақшасында.