Бакуден Ақтауға ұшқан ұшақтан ақау шықты
Ақпаратты Көлік министрлігінің баспасөз қызметі растады.
Алматы, NEGE. Азаматтық авиация комитетінің мәліметінше, оқиға сағат 09:04-те болған.
– Ақтау қаласы әуежайының әуеайлақ және жерүсті қызметтері әуе кемесін ұшу-қону жолағынан сүйрету (сүйемелдеп шығару) жұмысын атқарды. Ұшақтың қонуы штаттық режимде болды, қонғаннан кейін әуе кемесінде ақау бары анықталды, – делінген хабарламада.
Ұшақ Бакуден Ақтауға бағыт алған және бортта жолаушылар болмаған.
Әуежай ашық және қалыпты режимде жұмыс істеп тұр.
