Бактериядан қорғайтын ақылды бетперде пайда болды
Америкалық зерттеушілер адамды бактериядан қорғайтын арнайы сүзгі орнатылған бетперде шығарды, деп хабарлайды «Хабар 24».
Алматы, NEGE. Инновациялық маска ішіндегі ауаны салқындата алады. Нәтижесінде адамның беті мүлде терлемейді екен. Тағы бір ерекшелігі – бетперде қараңғы жерде жарық шашып, басқаларға көрініп тұрады. Сондай-ақ онда ультракүлгін шамдар мен микрофон бар. Әзірге маска ақ және қара түсті болып шығады. Оның бағасы әлі нақтыланбаған. Бірақ компания өкілдерінің айтуынша, ақылды бетперде жақында жаппай сатыла бастайды.
