Бақытгүл Хаменова сотта мәлімдеме жасады
Атырау облысы әкімінің орынбасары Бақытгүл Хаменова сотта өзіне тағылған айыпты мойындаған жоқ.
Алматы, NEGE. Бақытгүл Хаменоваға қатысты іс Атыраудағы №2 қалалық сотта қаралып жатыр. Сотта Бақытгүл Хаменова өзіне тағылған айыпты мойындамайтынын мәлім етті.
Айта кетейік, Бақытгүл Хаменова мен Ақылбек Рысқалиевтың ісі ҚР Қылмыстық кодексінің 366-бабының 3-бөлігінің 3-тармағы (Пара алу) бойынша тергелген. Ал "Балқыту" ЖШС директоры Өміртай Адамов ҚР Қылмыстық кодекстің 367-бабының 2-бөлігі бойынша (Пара беру) айып тағылған.
Бақытгүл Хаменова ісіне қатысты айыптау актісі 55 бетке тең.
Ал Атырау облысы Мәдениет сақтау басқармасының бұрынғы басшысы Ақылбек Рысқалиев «мен таза делдалдық қызмет атқардым» деп мәлімдеді. «Балқыту» ЖШС директоры Өміртай Адамов пара бергенін мойындады.
