Бақытбек Смағұл: Қазір қару-жарақ басқа, бағасы қымбат
Қазақстан әскерилерінің арасында оқыс оқиғалар соңғы уақытта көбейді.
Әлімжеттіліктің етек алғаны, бейбіт күнде сарбаздардың мертігіп жатқаны, тіпті өзіне-өзі қол жұмсағаны жасырын емес. Соңғы үш жылда 270 әскери қызметкер қайтыс болған, кейінгі төрт жылда әскерде 86 суицид тіркелген.
Бұл жағдайға байланысты командирлердің жауапкершілігі мен әскердегі тәртіп мәселесі Президенттің қыркүйек басындағы халыққа Жолдауында көрініс тапты. Әскердегі тәртіп осы күні өте өзекті проблема болып тұр.
Nege.kz ақпараттық-сараптамалық порталы соңғы айларда әскери салада қатарынан бірнеше өлім тіркелгенін алға тартып, Қазақстан ардагерлері қауымдастығының төрағасы Бақытбек Смағұлдан сұхбат алған екен. Сұхбат авторы қоғамға «Мұның себеп-салдарын анықтауға, мәселенің түпкі астарына үңілуге неге асықпаймыз?» деген жалпыға ортақ сұрақ тастайды. Ал сұхбат беруші әскердегі келеңсіз жағдайлардың себеп-салдарын ашып көрсетуге мейлінше тырысқан.