Бақыт Сұлтанов: Әкімдер азық-түлік бағасын тежеу тетіктерін қолданбай отыр
Жыл басынан бері әлеуметтік маңызы бар азық-түлік тауарларының бағасы бірден 9,6 пайызға өскен, деп хабарлайды Atameken Business.
Алматы. NEGE. Сауда және интеграция министрі Бақыт Сұлтанов бұған жергілікті шенеуніктерді кінәлі дейді. Өйткені, сөзінше бағаны тежеуге болатын арнайы тетіктер баяғыдан құрылып қойған. Бірақ оны әкімдіктегілер барынша пайдаланбайды екен. Осылайша, министр бір жылдың ішінде шекті бағаны негізсіз өсірген 300-ге жуық бизнес иесіне ескерту жасалғанын айтты. Бірақ бұған құлақ аспаған бес бірдей кәсіпкерге 13 тергеу жұмыстары басталды. Ақыры бизнесмендердің бесеуі де 4,3 млн теңге айыппұл арқалады.
