«Бақауовтың денсаулығы нашарлады»
Бұған дейін Павлодар облысының бұрынғы әкімі Болат Бақауовты үйқамаққа ауыстырғанын жазғанбыз. Павлодар облыстық соты бұрынғы әкімді не себепті тергеу изоляторынан шығарғанын түсіндірді.
Алматы, NEGE. Павлодар облыстық сотының баспасөз қызметі былай деп хабарлады: «Бас бостандықты шектеу жағдайға байланысты өзгеріп тұрады. Бұған дейін Бақауовтың атқарған қызметі, байланыстары ескеріліп, «тергеуге кедергі келтіруі мүмкін» деген себеппен қамалған болатын. Қазір жағдай өзгерді. Ол қазір әкім қызметінде отырған жоқ, лауазымды тұлға ретінде дәлел боларлық құжаттарды да бақылай алмайды. Бірақ қамауда отырған уақытта оның денсаулығы нашарлап кетті».
Естеріңізге салайық, Б.Бақауов Павлодар облысы әкімі кезінде істі болып, екі айға тергеу изоляторына қамалған болатын.