Дүние
Байлыққа салынатын салық көлемі арта ма?
Жаһанды жайлаған пандемия әлем экономикасына салмақ түсіргені белгілі. Осы орайда әлемнің ауқатты адамдары байлыққа салынатын салық көлемін көбейтуді ұсынып отыр.
Алматы, NEGE. АҚШ, Жаңа Зеландия, Германия, Ұлыбритания, Канада, Дания және Нидерланд сияқты бас-аяғы 7 елдің 83 миллионері экономиканы тығырықтан шығаруға қолдау көрсетуге дайын екендерін айтып, үкіметке ұсыныс хат жолдады. Тізімде Жаңа Зеландияның ең бай адамдарының бірі Warehouse Group-тың негізін қалаушы Стивен Тиндалл, британиялық сценарист және режиссер Ричард Кертис, суретші-мультипликатор Уолт Диснейдің немересі Эбигейл Дисней сияқты азаматтар бар. Айта кетейік, мұндай бастама алғаш рет көтеріліп отырған жоқ. Пандемияға дейін де әлемнің 200 бай адамы прогрессивті салық төлемін енгізуді ұсынған болатын.