Байқоңырдан OneWeb жер серіктерінің алғашқы легі ұшырылды
7-ақпанда таңғы сағат 03:42-де Байқоңыр ғарыш айлағынан британдық OneWeb компаниясының 34 жер серігі ұшырылды. Оларды орбитаға ресейлік "Союз-2.1б" зымыраны жеткізген. Бұл туралы Роскосмос хабарлады.
Алматы, NEGE. OneWeb ғарыш аппараттары Жер бетін толық қамту арқылы кеңжолақты интернетпен қамтамасыз етуді көздейді. Компания 2021 жылға қарай бүкіл әлемге интернет таратуды көздеп отыр. Осы мақсатта ғарышқа 600-ден астам жер серігін ұшырылатын болады.
