Дүние
Байден: Егер Навальный өлетін болса, Ресейге қиын болады
АҚШ президенті Джо Байден Алексей Навальный түрмеде өлетін болса, Ресейдің басқа елдермен де қарым-қатынасы бұзылатынын мәлімдеді.
Алматы, NEGE. Америка басшысының сөзінше, ресейлік оппозиционер өлетін болса бұл Ресейде адам құқығы сақталмайтынының тағы бір дәлелі болады.
«Бұл трагедия болады», – деді Байден Брюсселде өткен баспасөз конференциясында. АҚШ президентінің сөзінше, «бұл басқа елдермен қарым-қатынасқа да кері әсерін тигізеді». «Менімен де», – деді Байден.
Айта кетейік, бүгінде Навальный колонияда. Ол үйқамақта жатқан бір жылын ескергенде жалпы режимдегі колонияда 2,8 жыл болады.