Бағдаршамның қызыл түсі жанып тұрған сәтте көліктен шығып билеген блогерге айыппұл салынды
Әлеуметтік желілер мен бұқаралық ақпарат құралдарына мониторинг жүргізу барысында Шымкент қалалық ПД қызметкерлері өрескел құқық бұзушылық жасалған бейнежазбаны анықтады, деп хабарлады Полиция.
Алматы, NEGE. Блогер қыз қиылыста тоқтаған көліктен шығып, бағдаршамның қызыл түсі жанып тұрған сәтте билей бастаған.
"Шоуды" қыздың өзі және көлікте қалған ер адам тікелей эфирде көрсеткен. 40 секундқа созылған қойылымды бағдаршамның жасыл түсі мен қозғалыстағы көліктердің сигналы үзді.
Заң бұзушы олардан қашып, жолдың шетіне қарай жүгірді.
Патрульдік полиция полкінің инспекторлары қыздың жеке басын анықтады. Ол Қызылорда облысының тұрғыны.
Азаматша ҚР ӘҚБтК 615-бабы бойынша жауапкершілікке тартылды.