Бадминтоншы Дмитрий Панарин Париж Олимпиадасындағы алғашқы матчында жеңіліп қалды
Париждегі Олимпиада ойындарында бадминтоннан іріктеу матчтары өтуде. Спорттың бұл түрінен Қазақстан намысын Дмитрий Панарин қорғап жатыр, деп хабарлайды Olympic.kz.
Алматы, NEGE. 28 шілде күні қазақстандық спортшы алғашқы матчын өткізді. Оның қарсыласы – жапондық Кента Нишимото.
Бұл кездесуде жапон спортшысы басым болды, есеп – 2:0 (21:5, 21:11).
Айта кетелік, Панарин іріктеу кезеңінде D тобында өнер көрсетуде. Оның келесі қарсыласы – канадалық Брайан Янг.
Дмитрий Панарин бадминтоннан Олимпиадаға қатысқан алғашқы қазақстандық спортшы.