БАӘ компаниялары ынтымақтастық орнатуға мүдделі
Осы аптада видеоконференция арқылы Әбу Дабидегі «
Masdar» компаниясының Бас атқарушы директоры Мұхаммед әр-Рамахимен еліміздегі жаңартылатын энергетика бойынша жобаны және «Mubadala Investment» компаниясының Инвестициялық серіктестік басқармасының басшысы Абдалла әл-Марзуқимен логистика саласындағы өзара ынтымақтастық мәселелері талқыланды.
Алматы, NEGE. Бұл туралы еліміздің БАӘ-дегі елшісі Мадияр Меңілбеков хабарлады. «Елшілікте «Royal Group» компаниясы төрағасының көмекшісі София Ласкиді қабылдадым. Кездесу барысында еліміздің туризм саласында жаңа инвестициялық жобаларды жүзеге асыру мүмкіндіктерін қарастырдық. Осы ретте, аталған компанияның инвестициясына 2012 жылы Шымкент қаласында «Canvas Hotel» атты төрт жұлдызды қонақүй салынғанын атап өту керек», – дейді елші.
