Әзірбайжан Ираннан барлық дипломатын шығарып жатыр
Әзірбайжан президенті Ильхам Әлиев Ираннан дипломатиялық құрамды толық шығару туралы шешім қабылдады.
Астана, NEGE. Бұл жөнінде Әзірбайжанның Сыртқы істер министрі Джейхун Байрамов мәлімдеді.
«Бұл процесс Тегерандағы елшілікке де, Тебриздегі бас консулдыққа да қатысты. Қазір осы бағытта тиісті жұмыс жүргізілуде», – деді ол.
Ел президентінің мұндай шешім қабылдауына Ираннан ұшырылған дрондардың Нахчыван Автономиялық Республикасының аумағына құлауы себеп болып отыр: бір дрон әуежай аумағына, екіншісі мектептің маңына түсті. Салдарынан екі адам зардап шекті.
Бакуде болған оқиға шабуыл ретінде бағаланды. Әзірбайжанның Сыртқы істер министрлігі Иран елшісін шақырып, ресми түсініктеме талап етті.
Қазақстан президенті Қасым-Жомарт Тоқаев бұл оқиғаны қатаң айыптап, жағдайды дипломатиялық жолмен реттеуге шақырды.
