Дүние
«Азовстальдағы» жауынгерлерді эвакуациялау үшін келіссөз жүріп жатыр
Киев «Азовсталь» зауытында қалған жауынгерлерін өндіріс орнынан алып шығу үшін күнде келіссөз жүргізіп жатыр.
Алматы, NEGE. Президент Владимир Зеленский кезекті видеоүндеуінде осылай деп мәлімдеді. Айтуынша, Украина қос тарапқа да ыңғайлы жолды ұсынып отыр. Алайда келіссөз әлі нәтиже бере қоймаған. Еске сала кетейік, Ресей күштері Мариупольді осы айдың бас кезінде толықтай бақылауына алғанын мәлімдеген. Бірақ зауытқа бекінген Азов полкі әлі қарсылық көрсетіп жатыр. Мәліметке қарағанда өдіріс орынында 1 мыңнан аса сарбаз бен 500-ге жуық жаралы жауынгер бар.
Владимир Зеленский, Украина президенті:
– Қазір Мариупольдегі «Азовсталь» зауытынан біздің сарбаздарды эвакуациялау бойынша келіссөз жүріп жатыр. Біз қарсы тараппен мәселені күн сайын талқылап жатырмыз. Бұл жерде біз олардың уағдаластықты бұлжытпай орындағанын қалаймыз.