Ажырасу азайып келеді
Биыл бірінші тоқсанда АХАТ органдарының мәліметінше, 4,1 мың жұп ажырасқан (некені бұзу туралы сот шешімдерін есепке алмағанда), ажырасу саны бір жылда 10,3% азайды, деп хабарлайды ranking.kz.
Алматы, NEGE. Ауылдарда ажырасу саны бірден 27,5%, 721 жұпқа дейін, ал қалаларда – 5,5%, 3,4 мың жұпқа дейін қысқарған.
Ажырасудың басым бөлігі Алматы қаласында тіркелген: 536 жұп, өткен жылмен салыстырғанда 19,9% аз. Кейін тізімде Алматы (466 жұп ажырасқан, бір жылда минус 2,5%) және Қарағанды (417 жұп ажырасқан, бір жылда минус 6,5%) облыстары тұр.
Ең аз ажырасу Қызылорда облысында тіркелді: 69 жұп, өткен жылғы көрсеткіш – 97.
2021 жылы жалпы 48,2 мың жұп ажырасқан, бұл 2020 жылмен салыстырғанда 0,5% көп. Оның ішінде қала тұрғындары арасында 34,8 мың жұп (плюс 1,2%), ауыл тұрғындары арасында 13,4 мың жұп (минус 1,2%) ажырасқан.
2,7 мың жұп бір жыл да бірге тұра алмай ажырасып кеткен, бұл өткен жылмен салыстырғанда 16% артық. Мұндай "ерте" ажырасудың басым бөлігі Нұр-Сұлтан, Алматы қалалары, Алматы облысында тіркелген, ал Солтүстік Қазақстан облысында мұндай дерек аз болған.
1 жылдан 4 жылға дейін бірге тұрып, ажырасқандар саны 14,1 мың жұп (бір жылда минус 4,4%), 5 жылдан 9 жылға дейін – 12,7 мың жұп ( бір жылда минус 6%), 10 жылдан 14 жылға дейін – 7 мың жұп (бір жылда минус 5,7%), 15 жылдан 19 жылға дейін – 3,3 мың жұп (бір жылда минус 4,4%), 20 жыл және одан жоғары – 6,1 мың жұп (бір жылда минус 2,4%).
Сондай-ақ ажырасқан тағы 2,3 мың жұптың қанша уақыт бірге тұрғаны белгісіз.
2021 жылы ажырасу көбінесе наурызда тіркелген: 4,6 мың жұп, бұл өткен жылмен салыстырғанда 6,1% аз. Шілде мен мамырда 4,3 мың және 4,2 мың ажырасу болған. Маусымда ажырасу дерегі азайған: 3,3 мың жұп, бір жылда плюс 0,8%.
2020 жылы ажырасудың ең көп саны қаңтар, ақпан және наурызда тіркелген.
Айта кетейік, былтыр шілдеде неке көп қиылған.
