Әзербайжан мен Армения басшылары Трампты Нобель сыйлығына ұсынбақ
Әзербайжан президенті Ильхам Әлиев Армения премьер-министрі Никол Пашинянмен бірге АҚШ президенті Дональд Трампты Нобельдің бейбітшілік сыйлығына ұсыну мүмкіндігін айтты, деп хабарлайды АЗЕРТАДЖ.
Алматы, NEGE. Бұл туралы Әлиев Вашингтонда Трамп және Пашинянмен бірлескен баспасөз мәлімдемесі кезінде айтты.
– Мүмкін біз премьер-министр Пашинянмен келісіп, Нобель сыйлығы комитетіне бірлескен бастама жасайтын шығармыз. Дональд Трамп бұл марапатқа лайық, – деді Ильхам Әлиев.
Еске салайық, Армения мен Әзербайжан бейбіт жолмен реттеу туралы бірлескен декларация қабылдап, оны Вашингтонда қол қойып бекітті.
Президент Қасым-Жомарт Тоқаев Вашингтонда Әзербайжан мен Армения елдері арасында қол қойылған келісімді тарихи жетістік деп санайды. Оның айтуынша, Әзербайжан мен Арменияның мұндай келісімге қол қоюы – АҚШ президенті Дональд Трамптың тегеурінді әрі тиімді бітімгерлік миссиясының арқасы. Ол Әзербайжан және Армения басшыларын саяси ерік-жігер танытып, стратегиялық тұрғыдан көреген шешім қабылдауға көндіре алды.
