Әзербайжанда Абай жылы басталды
![](/static/img/plug.jpg)
Баку мемлекеттік университетінде өткен салтанаттты шараға Қазақстан, Әзербайжан, Түркия мен Қырғызстан делегациялары және Халықыралық түркі академиясы мен ТҮРКІСОЙ басшылығы қатысты. Биыл бүкіл ел аумағында ұлы ақынның 175 жылдығына арналған конференциялар мен әдеби кештер өткізу көзделіп отыр.
Алматы, NEGE. Абай Құнанбаевтың 175 жылдығын тойлау шарасы Қазақ мәдени орталығында бастау алды. Ұлы ақынның есімімен аталған бұл орталық Баку мемлекеттік университеті жанында 9 жыл бойы жұмыс істеп келеді. Мұнда қазақ ақындары мен жазушыларының шығармашылығына арналған конференциялар мен кештер үнемі өткізіліп тұрады. Халықаралық түркі академиясы қазақ мәдени орталығына түркі мәдениеті туралы 60-қа жуық кітапты сыйға тартты. Арасында ұлы ақынның шығармашылығына арналған басылымдар да бар.