2 Қазан 13:53
Азаматтық авиация комитеті қазақстандық әуекомпанияларға Иранды айналып ұшуға кеңес берді
Бұл шешімге Иран мен Израиль арасындағы әскери қақтығыстың өршуі себеп болып отыр.
Алматы, NEGE. Сол себепті Азаматтық авиация комитеті Таяу Шығыстағы жағдайларға байланысты мәлімдеме жасады.
«Таяу Шығыстағы жағдайдың шиеленісуіне байланысты қазақстандық авиакомпанияларға Иранның әуе кеңістігін айналып өту немесе баламалы бағыттарды таңдау, сондай-ақ тиісті өңірде ұшу бойынша бұрын жолданған нұсқаулар мен ұсынымдарды басшылыққа алу ұсынылады», - делінген ақпаратта.
Естеріңізге сала кетейік, Иран Израильге зымырандар ұшырып, шабуыл жасаған болатын.
