Айдос Үкібай Сара Назарбаеваның қайтыс болғаны туралы ақпаратты жоққа шығарды
Қазақстанның бұрынғы президенті Нұрсұлтан Назарбаевтың бірінші жары – Сара Назарбаева 85 жасында дүниеден өтті деген ақпарат тараған болатын.
Алматы, NEGE. Аталмыш хабардан кейін Нұрсұлтан Назарбаевтың баспасөз хатшысы Айдос Үкібай «Сара Алпысқызы қайтыс болды» деген ақпаратты жоққа шығарды.
«БАҚ тарапынан түскен көптеген сауалға жауап бере отырып, мынаны хабарлаймын:
Қазақстан Республикасының Тұңғыш Президенті Нұрсұлтан Назарбаевтың зайыбы Сара Алпысқызы қазіргі уақытта ауруханада ем қабылдап жатыр. Оның қайтыс болғаны туралы ақпарат шындыққа сәйкес келмейді,» – деді Айдос Үкібай.
