Айдос Үкібай Сара Назарбаеваның денсаулығына қатысты мәлімдеме жасады
Сара Назарбаева сәуірден бері Алматыдағы президент істері басқармасына қарасты ұлттық медицина орталығында емделіп жатыр, деп хабарлады Нұрсұлтан Назарбаевтың баспасөз хатшысы Айдос Үкібай.
Алматы, NEGE. «Барлық медицина шаралары медициналық көмек көрсету стандартына сәйкес отандық мамандардың бақылауымен жүргізіліп жатыр», – деп жазды Үкібай.
Ол соңғы кезде Сара Назарбаеваның денсаулығына қатысты жалған деректер жарияланып жатқанын айтып, тек ресми дереккөздерге сүйенуге шақырды.
Естеріңізге сала кетейік, Сара Назарбаеваны емдету үшін Швейцарияға алып кетті деген ақпарат тараған болатын.