Спорт
Айбек Оралбай – әлем чемпионы!
Ливерпульде бокстан өткен әлем чемпионатында аса ауыр салмақта жұдырықтасқан Айбек Оралбай алтын медаль жеңіп алды.
Алматы, NEGE. Аса ауыр салмақта сынға түскен қазақстандық боксшы әлемдік доданың финалында өзбекстандық Жахонгир Зокировпен жұдырықтасты. Төрешілер алғашқы екі раунды өзбек боксшысына бергенімен, үшінші шешуші раундта Айбек оралбай жеңісті жұлып алды.
Өйткені өзбек боксшысы қашқаннан басқа түк бітірмеді. Тіпті капасын (тіс қорғанышы) да әдейі түсіріп жіберіп, уақыт созуға тырысты. Мұны төрешілер дұрыс байқап, үшінші раунды Айбектің еншісііне жазды.
Осылайша А.Оралбай Қазақстан құрамасына жетінші алтынды әперіп, құраманы бірінші орынға шығарды.