Автокөлік ұтысын ұйымдастырған ерлі-зайыпты блогерлерге айыппұл салынуы мүмкін
Ерлі-зайыпты блогерлер Эльмира Төлегенова мен Ерболат Жанәбілов 30 мың теңге тұратын курсты сатып алғандарға он көлік сыйлаймыз деп уәде еткен.
Алматы, NEGE. Ол курста олар онлайн-сервистер арқылы тауарларды тапсырыс беруді үйретеміз деп мәлімдеген.
Құмар ойындар мен лотереяларды реттеу комитеті тексерісті бастады. Жанәбіловке түсініктеме беру қажеттігі туралы хабарлама жіберілген. Егер ол мұны орындамаса, оған ҚР ӘҚБтК-нің 445-1-бабы 6-бөлігі бойынша әкімшілік іс қозғалады. Бұл бапқа сәйкес, 100-ден 1000 АЕК-ке дейін айыппұл қарастырылған.
«Түсініктеме болмаған жағдайда Комитет әкімшілік құқықбұзушылық туралы іс қозғайды... Егер ол шақыртуға келмесе, әкімшілік іс сырттай қаралады», – деп нақтылады Мәдениет және спорт министрлігі туризм индустриясы комитетінде.
Ведомство өкілдері заң бойынша лотереялар мен ұтыс ойындарын тек ресми операторлар ғана өткізе алатынын еске салды. Сондай-ақ күмәнді «гивтерге» қатысудың қауіпті екені ескертілді.
