Дүние
Австралияда карантин режимі кезең-кезеңімен жеңілдейді
Австралия билігі карантин режимін алып тастау туралы жоспарын жариялады, деп хабарлайды «Хабар 24». Ол кезең-кезеңімен жүзеге асырылмақ.
Алматы, NEGE. Ал, шектеу шаралары қалай және қаншалықты жұмсаратынын әр штат өзі белгілейді. Бұл жайлы ел премьер-министрі Скотт Моррисон мәлімдеді. Мәселен, жексенбіден бастап Квинслендте әлеуметтік арақашықтық сақтау тәртібі де жеңілдей түспек. Яғни, мейрамхана қонақтарының арасы 4 шаршы метр болса жеткілікті. Ал, көшеде 10 адамға дейін жиналуға рұқсат етіледі. Бұған қоса, мектептер, ойын алаңдары, кітапханалар мен бассейндер жұмысы қайта жанданады. Ал, түнгі клубтар мен қоғамдық тамақтану орындары әзірге ашылмайтын көрінеді.