Дүние
Австралия ғалымдары тәжвирусын қолдан жасаған
Сәрсенбі күні бір топ австралиялық ғалым тәжвирусының зертханалық үлгісін әзірлегендерін мәлімдеді. Бұл жұмыс індеттің әлемге таралуын тоқтатуға үлкен серпін беруі мүмкін.
Алматы, NEGE. Мельбурн қаласындағы жұқпалы аурулар институтының ғалымдары науқастан алынып, қолдан өсірілген тәжвирусының үлгілерін Дүниежүзілік денсаулық сақтау үұйымы мен әлемдегі барлық зертханаларға таратып беруге дайын екендерін мәлімдеді.
Вирустың қолдан өсірілген үлгісі індетке қарсы вакцина жасауға және оны адам ауырмай тұрып ағзасынан ерте анықтауға мүмкіндік беретін қарсы денелер табуға мүмкіндік береді.
«Нағыз вирустың өзін алу деген сөз, енді біз оны жан-жақты зерттеп, түрлі тәжірибе жасай алатынымызды және ол туралы барлық қажетті мағлұматқа ие болғанымызды білдіреді», - деп мәлімдеді Питер Доэрти институтының вирусты анықтау зертханасының жетекшісі Джулиан Друс.