Australian Open: Александр Бублик жарыс жолынан шығып қалды
Қазақстанның 1-ші, әлемнің 37-ракеткасы Александр Бублик Аустралия ашық чемпионатының үшінші айналымына шыға алмады, деп хабарлайды ҚазАқпарат.
Алматы. NEGE. А.Бублик екінші айналымда әлемнің 20-ракеткасы, франциялық Гаэль Монфиспен кездесті.
Қазақстандық теннисші қарсыласын 2020 жылғы Франция ашық чемпионатында ұтқан болатын.
Бұл жолы алғашқы екі партияда Бубликтің ойыны жүрмей, жиі қателесті - 1:6, 0:6.
Үшінші сетте қарсыласып баққанмен, жеңіс Монфистің еншісінде кетті - 6:4.
Франциялық спортшы үшінші айналымда әлемнің 19-ракеткасы, чилилік Кристиан Гаринмен шеберлік байқасады.
Г.Монфис 1 сағат 29 минутқа созылған кездесуде 11 эйс жасап, 15 брейк-пойнттың бесеуін пайдалана білді. А.Бублик 4 эйспен ғана шектеліп, 4 брейк-пойнттан еш нәтиже шығара алмады.
Ол өткен жылы да Аустралия ашық чемпионатында екінші айналымнан аса алмаған еді.
Осылайша аталмыш біріншілікте жекелей сында Қазақстаннан Елена Рыбакина ғана қалды.
Еске сала кетейік, бұдан бұрын Аустралия ашық чемпионатын Анна Данилина сәтті бастағанын жазған болатынбыз.