Australian Open: Заңғар Нұрланұлы алғашқы жеңісіне қол жеткізді
Қазақстандық теннисші Заңғар Нұрланұлы Аустралия ашық чемпионатында жасөспірімдер арасындағы жарыста жеңіске жетті.
Алматы, NEGE. Әлемдік рейтингте жасөспірімдер арасында 39-орында тұрған Заңғар Нұрланұлының бұл «Үлкен дулыға» турниріндегі дебюті болды. Ол алғашқы айналымда Аустралия өкілі Николас Бейкермен кездесті.
Бірінші сетте Заңғар 6:2 есебімен жеңіске жетті, бірақ екінші сетте корт иесі 6:3 есебімен есе қайырды. Шешуші, үшінші сетте Қазақстандық теннисші 6:3 есебімен жеңіске жетіп, матчты 2 сағат 7 минутта аяқтады.
Айта кету керек, Заңғар Нұрланұлы спорттық мансабында аустралиялық ойыншылардан жеңілген емес. Сонымен қатар, жасөспірімдер арасында Қазақстаннан тағы бір теннисші – Әмір Омарханов та бақ сынауда.
