Спорт
Ауыр атлетика федерациясының президенті тағайындалды
17 наурызда Астанада Қазақстан Республикасы Ауыр атлетика федерациясының сайлау конференциясы өтті.
Алматы, NEGE. "Бастапқыда федерация президенттігіне екі үміткер – Илья Ильин мен Гаджи Гаджиев жарияланды. Алайда кандидаттардың бастамасымен және федерация мүшелерінің қолдауымен Түсіпбеков Жанат Рашидұлына Федерацияны басқару ұсынылды", - деп хабарлайды ҚР Ауыр атлетика федерациясының баспасөз қызметі.
Федерация мүшелері, 26 адам Жанат Түсіпбековтің кандидатурасын бірауыздан қолдады.
Жанат Рашидұлы 2013 жылдан 2022 жылға дейін ҚР ААФ-ны басқарып келген. Оның басшылығымен Қазақстан құрамасы сегіз олимпиада медалін жеңіп алды (2016 жылы - алтау, 2020 жылы - екеу).