Ауылда бақылаусыз миграция проблемалары туындап отыр
Қазақстанда ауылдағы жұмыссыздық салдарынан бақылаусыз миграция проблемалары байқалуда, деп мәлім етті ҚР президенті Қасым-Жомарт Тоқаев.
Алматы, NEGE. «Ең маңызды мәселе – ауылдағы жастарға жағдай жасап, оларды жұмыспен қамтамасыз ету. Әйтпесе бақылаусыз миграция мен урбанизацияға ұшырап, соның салдарынан күрделі әлеуметтік және саяси мәселелерді шешуімізге тура келуі мүмкін. Міне, біз осындай қиыншылықтарды көре бастадық. Әсіресе бұл ірі қалаларда байқалуда», - деді Тоқаев сейсенбі күні мемлекеттік басылымға берген сұхбатында.
Оның айтуынша, мемлекеттік органдар мұндай мәселеге үнемі назар аударуы керек.
