Ауыл тұрғындарын скринингтен өткізу тізбесі кеңейтілді
Бұл туралы Парламент Мәжілісіндегі Үкімет сағатында ҚР Денсаулық сақтау министрі Ажар Ғиният айтты, деп хабарлады ҚазАқпарат.
Алматы, NEGE. Оның айтуынша, коронавирус инфекциясының пандемиясы жылдарында шектеу іс-шараларына орай ауыл тұрғындарына мамандандырылған медициналық көмек деңгейі төмендеді. Бұл тұрғыда ауруларды ерте анықтау және уақтылы емдеу үшін ауқымды профилактикалық тексерулер енгізіліп жатыр.
Профилактикалық тексерулер жүрек және қантамыр жүйесі ауруларының, қант диабетінің, асқазан мен бүйректің созылмалы ауруларының ерте кезеңдерін анықтауға бағытталған.
Асқазан-ішек жолдарының ауруларын, 18-70 жас аралығындағы және одан жоғары жастағы адамдарда несеп бөлу жүйесі дертін, 50-ден асқан адамдардың тыныс алу органдары ауруларын және қуықасты безінің обырын ерте анықтау қызметтері кеңейтілді.
Мұнымен қоса, 18 жасқа дейінгі балалар үшін, яғни 1 жас, 3 жас, 6 жас және 14 жастағы жеткіншектерді зертханалық зерттеудің қосымша жалпы клиникалық әдістері енгізілді.
