18 Тамыз 17:14
Ауғанстандағы қандастар жәрдем сұрады
Әлеуметтік желіде Ауғанстандағы қазақтардың жәрдем сұраған видеосы тарап жатыр.
Алматы, NEGE. Ауған халқы үшін қазір оңай емес. Билікті қолына алған тәліптердің қандай саясат жүргізетіні беймәлім. Сол үшін де халықтың белгілі бір бөлігі ел шекарасынан өтіп кетуге асығып жатыр.
Олардың қатарында этникалық қазақтар да бар. Белгілі журналист Болат Мүрсәлім ауғанстандағы қандастардың жәрдем сұраған видеосын желіге жүктеді. Видео әп сәтте таралып, жұрт талқысына түсіп кетті.
«Ауғанстандағы қазақтар Қазақстан үкіметінен көмек сұрап отыр. Неше күннен бері ел шулап жатыр. Дүниежүзі қазақтары қауымдастығы неге үнсіз? Әлде шетелдегі қазақ Ауыт Мұқибекке ғана керек пе?», – деп жазды Б. Мүрсәлім.
