19 Шілде 13:51
Әуежайлар, банктер жұмысын тоқтатып жатыр: Әлем бойынша Windows жүйесінде ақау пайда болды
Әлемдегі ең танымал Windows операциялық жүйесінде ақау пайда болды.
Алматы, NEGE. Операциялық жүйенің әлем бойынша істен шығуы түрлі салаға әсер етіп жатыр. Әуежайлар, банктер, телеарналар, ірі компаниялар және т.б. жұмысын тоқтатуға мәжбүр.
Танымал Register гикпорталының жазуынша, ақау CrowdStrike сайтынан келген қауіпсіздік параметрлерін жаңартуға енгізілген қатеге байланысты болуы мүмкін. Пайдаланушылар Windows 10 операциялық жүйесі бар құрылғыларда «көк экран» шығып алғанын айтып шағымдануда. Оған себеп операциялық жүйе кибершабуылдардан қорғауға арналған жаңартуға жауап берген.
Microsoft корпорациясы мәселені мойындады және пайдаланушыларға жаңартуды уақытша кері қайтаруды немесе ақауды азайту үшін қауіпсіз режимді пайдалануды ұсынды.
